Nagpakol na sa 130 partylist applications an pigsayumahan o dae pig-ako kan Commission on Elections para sa 2025 Midterm Elections.
Sigun ki Comelec Chairman George Garcia, nabigo an mga nasambitan ng partylist na magsumiter kan kumpletong requirements for eligibility tanganing makabali sa nararaning eleksyon.
Dugang pa kan opisyal, hasta sa 200 partylist an inisyal na nag-apply alagad hasta 30 sana an saindang pig-ako asin tinawan nin accreditation.
Sa presente, igwa pang nagkapirang partylist na naghahalat na maresolba o madesisyunan an saindang pigsunad na motion for reconsideration.
Sigun pa ki Garcia, an listahan kan mga eligible partylist asin political party an ipapaskil sa sadiri kaining website kun saen posibleng sa masunod na semana soboot makukumpleto na an nasambitan ng listahan.
Mientrastanto, ihuhurot man kan komisyon sa kada partylist na mag-submit an mga ini nin tig-sampulong nominees.
Apwera sa sampulo, dae na soboot maako an komisyon nin dugang pang mga pangaran.
