NAGA CITY- Piglahad kan Manila Electric Company na nagpakol na sa 865 an numero kan mga pighabon na metro kan kuryente puon sana kan Enero hasta Mayo kan presenteng taon.
Sigun man ki MERALCO Vice President for Corporate Communications Joe Zaldarriaga, nakaresiber soboot sinda nin mga reklamo asin manlaen-laen na sumbong na an nakukuang kable kan kuryente an pigpapabakal online.
Huli sa padagos na paglangkaw kan numero kaini, padagos sindang nagtatao nin patanid sa publiko asin magin sa mga parahabo kan metro nin kuryente na may kalalagyan sinda huli sa saindang ginagibong panghahabon.
Sinaysay man kan power concessionaire na enkaso madakop asin mapatotoohan na naghabon sinda kan nasambitan ng metro an posible sindang mahampang sa hasta 12 taon na pagkakakulong asin igwa nin multang dae mababa sa ₱50,000 hasta ₱100,000.
