Padagos an paglangkaw kan numero kan mga scam calls sa nasyon basado sa report kan anti-scam app Whoscall.
Huli digde, pigpatanidan kan Cybercrime Investigation and Coordinating Center an publiko na dae basta basta magpaloko sa siring na modus.
Kun marurumduman, naipasar na sa Pilipinas an SIM Registration Act kan nakalihis na taong-2022 na obhetong resolbaran an manlaen-laen na klase kan scam.
Ini an sa ibong kan pagkontra kan pirang mga grupo asin eksperto sa pagtubod an SIM card registration an madara sana nin personal data asin risk.
Pigtawan-duon kaini na dae ini magigin epektibo kontra sa anuman na klase kan fraud.
Basado sa datos, nangengenot pa man an text scams na igwang 648,239 scam messages na naikurit sa enot parte pa sana kan taong ini. Mas hababa man ini sa naikurit na 1,143,268 scam messages sa parehong panahon kan nakalihis na taon.
Sa ibong kan pagbaba na ini naglangkaw man an mga naikurit na scam calls sa 225.17% katampad kan 351,699 gikan sa dating 108,157.
Pangapodan kan Cybercrime Investigation and Coordinating Center na suriong marhay kun an mga apod asin text messages an nagpuon sa lehitimong sources tanganing dae mahulog sa patibong kan mga scammers.
