Kinumpirmar kan Cybercrime Investigation and Coordinating Center (CICC) an dakulang pagbaba kan text scams sa nasyon kan nakalihis na taon. Gikan sa labi 1.28 milyong kaso kan nakalihis na ikaduwang kwarter kan 2024, nagbagsak ini sa 65,035 insidente sa parehong panahon kan 2025.
Katampad ini kan haros 95 porsyentong pagbaba na pigkokonsiderar na dakulang trayumpo kontra sa cybercrime.Sigun sa CICC, nakatabang an pagpapautob kan SIM Registration Law sa pagbawas kan mga pekeng mensahe.
Siring man, nagbalyo an mga scammer sa social media asin messaging apps. Karaniwang modus ngunyan an pagpapadara nin phising links na nagkukunwaring gikan sa bangko o e-wallet.
Pigtawan-duon kan CICC na dapat magtinir na mapagbantay an publiko tanganing dae mabiktima kan mga bagong klase kan online scam.
