NAGA CITY- Labi an pasasalamat kan sarong padre de pamilya makalihis na salbadong maipangaki kan saiyang esposa an saindang aki sa tabang nin sarong nursing student mantang nakalunad sa pampasaherong van sa probinsya nin Camarines Sur.
Sa entrevista kan Bombo Radyo Naga ki Romnick Luna, maugma kaining pigheras an matrayumpong pagpapaaki kan nursing student hale sa Bicol University na si JM Cabarle sa saiyang esposa na si Remelyn Brondoso.
Enot kaini, sigon ki Luna, pigdalagan sa ospital sa banwaan nin Ocampo si Brondoso para digdi mangaki alagad pigsayumahan suboot ini huli sa pagkakaigwa nin referral highblood.
Nagdesisyon na sinda na darahon sa ciudad nin Naga an mangangaking bados alagad sa van pa sana ipinangaki na kaini an sarong healthy baby girl sa tabang ni Cabarle na saro man sa mga pasahero kan bihikulo.
Mienatrastanto, sigon man sa nasambitang nursing student, pigkokonsiderar niyang sarong dakulang ‘accomplishment’ an salbadong pagpapaaki sa nasambitang babae para sa saiyang magiging trabaho.
Napag-araman na pinangaranan an umboy na Vanessa Jane huli ta ipinangaki ini sa van asin an Jane kinua sa pangaran ni JM.
