Pinatalsik kan Nicaragua si Bishop Carlos Herrera an namamayo sa episcopal conference kan nasyon. Katakod ini sa pinahigot na lakdang kan nasyon kontra sa Simbahang Katolika.
Huli digdi, nagpasiring an 75-anyos na si Herrera sa Guatemala kun saen pig-ako ini kan mga miyembro kan Franciscan order.
Sinaysay man kan pirang mananampalataya na biktima kan diktador na nasyong Nicaragua an tuninong na obispo.
Kan 2018 anti-government protesta, ipinaglaban ni Herrera an mga jovenes na inarestar sa Jinotega.
