Pigtawan-duon kan sarong opisyal an importansya kan pagkomemorar kan International day for disaster reduction kun sain ini an paagi tanganing mapalangkaw an kamalayan kan publiko tanganing malikayan an epekto kan mga distroso na naglalaog sa nasyon.
Sa entrevista kan Bombo Radyo Naga ki Johanna Marie R. Estrella DRRM an Assistant in research planning kan CDRRMO, pigsaysay kaini na dakulang tabang an mga training asin seminar na saindang pigkukundusir tanganing malikayan an epekto kan mga kalamidad.
Sigun pa sa opisyal, an banwaan kan Camaligan na nakakaeksperyensiya nin mga pagbaha orog na kung igwang naglalaog na amihan o bagyo sa mga low lying areas sa inasambitan ng lugar.
Sigun pa ki Estrella, an pagpartisipar sa mga training o basic life supports an dakulang bagay tanganing magkaigwa nin kaaram an lambang indibidwal sa mga epekto kan raot nin panahon.
Pig-iinkaminar man kaini na magbasa an publiko sa mga itinataong mga IEC materials huli ta nakapalaog soboot digde an mga pasunod-sunod kan dapat gibuhon enkaso igwang kalamidad.
Saro sa mga advantage na nahihiling kaini sa siring na programa iyo an pagtabang kan saindang mga rescuers sa pagpick-up tanganing mae-evacuate an mga ini asin pagtaong abiso kun kinakaipuhan na mag ebakwar kan mga residente enkaso maglangkaw an tubig sa lugar huli ta pag-lilikayan kaini na igwang madanyaran sa oras kan kalamidad.
Mientrastanto, an disadvantage man dgdi iyo an pagkakaigwa nin prayoridad sa mga labing nangangaipuhan nin asistensya kaya enkaso soboot na magtao na nin abiso siertuhon na magsunod huli ta sa oras kan kalamidad nagigin sibot an mga rescuers asin dae gabos maasistensyahan tulos.
Pigtawan duon pa kan opisyal na limitado sana an oras kan mga rescuers kun saen maresponde ini enkaso manageable pa an sitwasyon alagad kun labi na soboot delikado an sitwasyon piglilikayan naman na magrescue huli ta kun dae soboot ini gigibuhon mas dakol na buhay an mabubugtak sa alanganin.
Katakod dgdi, pig iinkaminar man kan opisyal an mga youth tanganing magpartisipar sa mga training na pigkukundusir kan saindang grupo tanganing magkaigwang kaaram sa mga basic life support asin mapakinabangan sa oras na kinakaipuhan.
Sa ngunyan, pangapudan man ni Estrella na pirming magin preparado an publiko sa kun ano man na kadipisilan an maekspersyensyahan asin ugalion soboot na mag attender sa mga seminar asin training huli ta pig-tatao man na libre an mga training sa saindang banwaan.
