NAGA CITY – Pig-enkaminar kan Office of the Civil Defense Bicol an komunidad na makisumaro sa pagselebrar kan Disaster Resilience Month ngunyan na bulan kan Hulyo.
Sa nagin patara-tara ni Claudio Yucot, Regional Director kan OCD-Bicol, sinaysay kaini na sa pagpapakusog kan Disaster Preparedness, kaipuhan an pakikusumaro kan gabos na mga tawo sa komunidad.
Ini nin huli ta tuyong nagbubungkaras an mga kalamidad, an mga tawo man sana an naapektaran asin nakakamate kan epekto kaini.
Sigun ki Yucot, an saindang ahensiya an mandated na ma-enhance an DRR activities asin ini an kinababalihan kan Disaster Prevention and Mitigation; Disaster Responce; Disaster Preparedness; Disaster Rehabilitation and Recovery Activities.
Obheto kan nasambitan ng aktibidad na maabot an pagigin resilient kan nasyon kontra sa mga kalamdad sring kan bagyo, linog asin iba pa.
Huli kaini, padagos an pagkundusir nin training, seminars asin iba pang aktibidad na makakatabang tanganing matawan nin bastanteng kaaraman an publiko sa mga dapat na gibuhon antes, sa kasagsagan asin makalihis an mga kalamidad.
Pigtawan duon pa kan opisyal na an pag-abot sa Disaster Resilience an responsibilidad kan gabos na mga tawo kun kaya dapat na magpartisipar tuyong nagkukundusir nin mga programa na para digde.
Mientrastanto, pig-enkminar man ni Yucot an gabos na gamiton an mga techological innovaton para sa pagheras pa kan magkakanigong impormasyon dapit sa kamugtakan kan panahon asin mga paagi tanganing magtinir na salbado.
Sa ngunyan, hagad na sana kan opisyal an pakikipagtabangan kan gabos tanganing magin salbado man an gabos sa panahon na igwang kasirubutan.
