Nag-apelar an Office of the Ombudsman sa House Appropriations Committee na madugangan an labi ₱5.8 billion na budget nind para sa 2025 na mas hababa sa pighagad kaining labi ₱8.5 billion.
Sigun ki Ombudsman Samuel Martires, an dugang na pondo an kaipohan tanganing makapagdugang pa sinda nin satellite offices asin makakua nin dugang na mga abogado.
Dugang pa ni Martires na dapat pondohan an pagpapatibay sa saindang digitalization program kaiba an pag-upgrade kan IT system makalihis ma-hack an saindang IT system.
Sigun ki Martines, kaipohan nindang magkua nin 60 dugang na mga abogado tanganing maparekas an imbestigasyon asin pagresolbar sa kapot nindang mga kasi asin reklamo.
Mientrastanto, pighagad man ni Martires sa kongreso na halion an confidential funds sa saindang budget.
