Nakagastos an Office of the President sa irarom ni Presidente Ferdinand Marcos Jr nin nasa P4.57 bilyon sa confidential asin intelligence funds kan naalihis na 2023.
Segun sa Annual Financial Report kan Commission on Audit na an Office of the President an nagenot sa nakagastos kan saindang confidential asin intelligence funds kan nakalihis na taon.
An nasambitan ng kantidad na P4.57-B kan nakalihis na taon, mas halangkaw kumparar kan taon na 2022 na igwa na sana nin P4.51-B.
Sa nasambitan ng kantidad, P2.2-B digde an para sa confidential expenses mantang P2.3-B an piglista sa intelligence expenses asin man an labi nin P10-M man an ginamit para sa extraordinary asin miscellaneous expenses.
An Confidential expense iyo an mga gastuson na igwa nin koneksyon sa surveillance/ confidential activities sa mga civilian government agencies para sa pagsuporta kan mandato o operasyon kan ahensiya.
Nasa panduwang puwesto man an Department of Justice sa may dakulang nagastos nin confidential funds na nagkakantidad man nin P683.85-M.
An nasambitan ng kantidad kabali an gastos gikan sa Office of the Secretary, National Bureau of Investigation asin Bureau of Immigration.
Nasa pantulong puwesto an Office of the Vice President na igwa nin P375-, pang-apat an National Intelligence Coordinating Agency na igwa nin P127.41-M, National Security Council na may P90-M, Department of National Defesne na may P78.92-M asin Department of Interior and Local Government na igwa man nin P75-M.
