NAGA CITY – Ikukundusir an official grand launching kan Naga City Youth Innovation Hub ngunyan na bulan kan Oktubre sa ciudad nin Naga.
Sa nagin paghampang sa mga kagawad kan media ni Dominic Nobleza, Project Manager Safe and Sound City Naga, pigsaysay kaini na open to public an aktibidad asin magkakaigwa man nin ceremonial signing susog sa executive order dapit sa Youth Innovation Hub.
Dugang pa kan opisyal, na yaon sa nasambitan ng exucutive order an mga detalyes kun pano magpa-reserve, kun anong aldaw pwede gamiton an nasambitan ng youth hub, asin man kun siisay an mga grupo o tawo na pwede magpareserve orog na an mga youth organization kan ciudad na kinakaipuhan na magparehistro sa Naga City youth development office.
Pigtawan duon pa man ni Nobleza na an main purpose kaini, tangani man soboot na an mga kajovenan pa-urogon asin marealisar an sainda man na mga ideya na pwede makatabang sa safety and security kan bilog na ciudad asin man ini magin espasyo sa mga kaakian na mag brainstorming asin madevelop an mga mawot ninda na mangyari.
Apwera pa digde, ila-launch na man soboot an safe and sound cities naga guide book, ini man pwede man giya sa mga LGUs o mga organisasyon na mawot man magimplementar nin siring na programa.
Kan nakalihis na taon, Baguio asin Naga City an enot man na naimplementaran sa South East Asia, alagad ngunyan igwa na man sa manlaen-laen na nasyon siring kan Indonesia asin South Amerika.
Sa presente, maogma man an opisyal nin huli ta na-renew an phase 2 asin nasa final stage na man soboot an ciudad sa pag contract signing na mapadagos sa masunod na limang taon.
