NAGA CITY – Dae napugulan kan nagkapirang mga Overseas Filipino Workers (OFW) na presenteng nakaistar sa ibang parte kan Estados Unidos na dae mahandal asin mamundo sa nangyaring makangirhat na pambabadil sa Mandalay Bay Hotel, Las Vegas, Nevada.
Sa mensahe na ipinaabot kan sarong OFW na tubong Nabua, Camarines Sur asin presenteng nagtitinir sa Los Angeles, na nagsayuma ng mapangaranan, sinaysay kaini na dawa harayo sinda sa Las Vegas, dae pa nanggad malikayan na mamundo asin mahandal sinda para sa mga Pinoy na nagtitinir sa lugar.
Nagkapira man suboot sa saiyang mga amigo an kabale sa labi 500 persona na nairido sa pangyayari.
Nakaolay man suboot niya an saiyang pamangkin na nagtitinir sa Las Vegas asin sinaysay na nakasarado pa an aeropuerto sa lugar siring man an Las Vegas trip huli sa kadakol pang mga bangkay na narerekober kan mga kapulisan.
Mientrastanto, sigon man suboot sa saiyang aki na presenteng nagkaklase sa Las Vegas, paramientras na kinanselar an mga klase sa eskwelahan sa lugar katakod kan nangyaring nsamantalang kinansela ang mga pasok sa paaralan sa lugar kaugnay ng nangyaring mass shooting.
