Marhay na bareta para sa mga motorista, nagpautob nin bawas-presyo sa mga produktong petrolyo an mga kompanya kan langis sa nasyon saaga, Seytembre 17, 2024.
Sa abiso kan mga kompanya nin langis na pinangenotan kan Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz asin Phoenix Petroleum, mapautob sinda nin bawas-presyo na P1.00 sa kada litro kan gasolina, P1.30 sa kada litro nin diesel, asin P1.65 man sa kada litro kan kerosene na epektibo alas-6 nin aga.
An iba man na kompanya an naenot ng nagpautob kan tapyas presyo, alas 12 nin mag-oomagahon.
An pigpautob na bawas-presyo sa mga produktong petrolyo an huli sa padagos na paghiro sa presyuhan kaini sa pankinaban na merkado.
