Olivia Rodrigo excited na liwat makabweltada sa Pilipinas

Dae maitago ni Filipino-American singer-songwriter Olivia Rodrigo an kasabikan kaini na liwat makabisita sa nasyon.

Sigun ki Olivia dae kaini malingawan an ginibong konsiyerto sa Pilipinas kan nakalihis na taon.

Dugang pa kan singer na nabitin ini sa saiyang bakasyon kaya plano na makabweltada sa Pilipinas asin ikuton an nagkapirang mga sikat na isla.

Posibleng sa masunod na taon madadagos na an pag-ikot kaini sa mga sikat na beach asin isla.

Mientrastanto, nagpaabot man an mga fans ni Olivia kan saindang kasabikan na liwat mahiling an singer.