Pigsierto kan Office of the Ombudsman na pinal asin dae na mababago an saindang desisyon na masibak na sa pwesto si Bureau of Fisheries and Aquatic Resources (BFAR) National Director Demosthenes R. Escoto.
Sa pigluwas na 8 pages kan joint order, dae pig-ako kan OMB an motion for consideration ni Escoto kan nakalihis na ika-5 kan Pebrero sa presenteng taon para sa dismissal kaini sa pwesto huli sa mga kaso kan grave misconducr asin conduct prejudicial to the service, pati na man an filing of graft charges.
Basado sa order, mamantiniron kan OMB an saindang nagin kasimbagan kan nakalihis na Pebrero tanganing dagusan sa pwesto si Escoto kun saen kansuarin sana an naiangat kaini asn pigdeklarar na na dagusan na ining perpetually disqualified.
Boot sabihon an dae na pwedeng magdalagan o magkua nin maski anong posisyon sa gobyerno si Escoto.
Kaibahan man sa padusa an cancellation of eligibility, forfeiture of retirement benefits, asin perpetual disqualification to hold public office kaini.
Mientrastanto, marurumdoman man na nag ugat an mga kaso na ini ni Escoto gikan sa sarong 2018 purchase kan mga transmitters asin transreceivers para sa Integrated Marine Environment Monitoring System Project Phase II (PHILO Project) kan BFAR.
