Kahagadan ni Ombudsman Jesus Crispin Remulla sa Korte Suprema an pagkriar kan special courts tanganing maparekas an paglilitis sa mga kaso kan katiwalian sa hanay kan mga opisyal kan gobierno.
Sa pigkundusir na budget hearing sa Senado, pigsaysay ni Remulla na ini an saiyang kahagadan sa amigo na si Senior Associate Justice Marvic Leonen.
Kun magkakaigwa man soboot kan special court o graft courts sa mga regional trial court o RTC mawawara na an pasahan kan hurisdiksyon asin mapaparekas na an proseso kan mga kasong igwang kinaaraman sa korapsyon.
Nakikipagtabangan man si Remulla sa Sandiganbayan tanganing magin marekas an mga proceeding na igwang kinaaraman sa graft cases.
Naglatag na man nin reporma si Remulla tanganing mapalipot an proseso kan Ombudsman sa evaluation, fact-finding, asin preliminary investigation para sa marekas na pagsusunad nin kaso.
Kun kadito inaabot nin hasta sarong bulan antes matapos an preliminary investigation, ngunyan pigpautob kaini na tapuson na sa laog kan 60 na aldaw siring sa pigpautob kan Department of Justice (DOJ).
