Kinumpirmar ni Ombudsman Jesus Crispin Remulla na nagkaigwa siya nin meeting sa mga staff kan International Criminal Court (ICC).
Ini an reaksyon ni Remulla sa pahayag ni Atty. Levi Baligod asin 18 ex-Marines asin soldados na si Remulla nagkaigwa nin meeting sa ICC Staff kan siya Justice Secretary asin nagsabi na makakaapektar sa gobyerno an meeting asin magkakaigwa nin posibleng pakikipagkunsabo sa ICC.
Piglinaw ni Remulla na 2025 pa sana kan natapos ninda an pakikipag-ulay sa staff asin nangyari ini makalihis na madakop si dating Presidente Rodrigo Duterte.
Sinaysay pa man ni Remulla na kinakaipuhan na protehiran an mga testigo alagad mas importante suboot an alegasyon na ginibo kan 18 indibidwal na magkaibahan sa laog nin duwang taon na mayong putol asin nahiling an gabos na pangyayari, kaya ini suboot an gusto niyang maaraman.
Sinabi kan Ombudsman na mawot niyang makua an mga affidavit kan lambang saro sa 18 na mga ex-Marines asin soldados.
An 18 soboot nagsirbing bagman kan dating congressman Zaldy Co asin pighahatod daa an mga maleta nin cuarta sa manlaen-laen na politiko.
Segun sa Philippine Navy, apat sa 18 an bakong parte kan serbisyo asin kadaklan sa mga ini pinahale sa saindang pwesto.
