Ipigsugo na kan Office of the Ombudsman an pagsusunad nin kaso kontra kina dating DepEd Secretary Leonor Briones, dating PS-DBM Chief Lloyd Christopher Lao, asin ibabpang opisyal kan DepEd asin PS-DBM katakot sa soboot P2.4 bilyong overpriced asin outdated na laptops para sa mga paratukdo kan nakalihis na 2021.
Naglitaw an mga kasong graft, falsification of public documents, asin perjury, makalihis an Senate Blue Ribbon Committee investigation and findings kan Commission on Audit (COA).
Sigun sa Ombudsman, an laptops an pigbakal sa kantidad na P58, 300 kada unit, harayo sa orihinal na budget na P35,000, asin dae man nagpasar sa technical specifications.
Napag-araman na mayo pang pormal na Memorandum of Agreement (MOA) kan isagibo an procurement, kaya pigkokonsiderar ining irregular asin mayong legal na basehan.
Pigtukoy man kan Ombudsman na an gobyerno an nawaran nin haros P979 milyon huli sa overpricing, asin an mga laptop an dae nagamit nin marhay sa online learning kan mga paratukdo.
Apwera ki Briones, kaibahan man sa mga pigkakasuhan iyo sinda DepEd Undersecretaries Annalyn Sevilla, Alain Pascua, asin nagkapirang PS-DBM Officers siring ninda Jasonmer Uayan asin Ulysses Mora.
Napag-araman ba igwang mga opisyal na pigpatawan nin preventive suspension asin dismissal from service huli sa grabe misconduct asin serious dishonesty.
