Pigbuyagyag kan Office of the Ombudsman na sinda an igwang dae mahiling sa naresebir o naiturn-over kan kompyuter o gadget kan nagtalikod na sa kinaban asin dating Undersecretary ng Department of Public Works and Highways na si Maria Catalina Cabral.
Ini mismo an ipigheras kan presenteng tanod-bayan na si Ombudsman Jesus Crispin ‘Boying’ Remulla sa naganap na pulong-balitaan kasuodma.
An nasambitan ng kompyuter na ginamit ni Cabral na pagsasadiri kan gobyerno, naglalaog nin mga dokumento an nadiskubreng kulang o igwang nawawara.
Ini an kasunod kan saindang mabukasan an ipinasang ‘gadget’ kan Department of Public Works and Highways sa sainda kasuarin sana. Huli digde, sinaysay ni Ombudsman Remulla na an saindang dinuman o kinua na sana iyo an mga dokumentong nakapalaog sa cloud kaini.
Dugang pa ni Ombudsman Boying Remulla na alinsunod digde, pinakarhay na kan ahensiya an nasambitan ng isyu o nadiskubreng igwang nawawarang parte kan ‘Cabral Files’.
Nagkaigwa man kaya nin pagkalito o ‘confusion’ sa nasambitan ng ‘files’ kun kaya presente na ining pigpakarhay o pigreresolbaran kan Ombudsman.
Pagsisierto man kan opisyal na padagos nindang pig-iimbestigaran an patungkol digde asin dae na nagheras nin dugang na detalyes.
Katakod pa digde, aminado si Ombudsman Boying Remulla na an nasambitan ng mga dokumento an nakapalaog sa kompyuter kan yumaong si Cabral, problema an mapa-authenticate ini.
Saiyang sinaysay na dae ini makapagtatao nin ‘evidentiary value’ o kun ano an kantidad asin importansiyang maiheheras kan ‘Cabral files’ sa pagbilog kan kaso.
An ‘chain of custody’ soboot kaya sa mga naunambitan na mga dokumento an iyong nahihiling na isyu o problema kan Ombudsman.
Sa ibong kaini, pwede man soboot magamit an anuman na mahiling komo ‘giya’ sa imbestigasyon asin dae direkta komo ‘ebidensiya’ sa isusunad na kaso.
