Sinugo na kan Office of the Ombudsman an binilog kaining Special Task Force sa flood control scandal na tutukan an mga proyektong dapat kudta na makakatabang tanganing mabawasan an epektong dara kan Bagyong Tino.
Sa iniluwas na opisyal na pahayag kan Ombudsman, pigsierto kaining gigibuhong prayoridad an mga proyektong dae naggagana o palpal kan manlamasa an hagupit kan bagyong nakalihis.
Makakasierto soboot an publiko na nagpapadagos an imbestigasyon kan special task force tanganing mapanimbag an mga imbwelto sa maanomalyang mga proyekto.
Mantang pigheheras man kan Ombudsman an pakikisumaro asin pakikidumamay kaini orog na sa mga naapektaran asin biktima kan bagyo na iyong nagdara sa pagkagadan kan nagkapirang mga indibidwal.
Kun kaya inihayag kan tanod-bayan na saindang gigibuhon an gabos maabot sana an katarungan asin maresolbaran an isyu kan korapsiyon na pigkakahampang kan nasyon.
Alagad sa ibong kaini, an nagkapirang militanteng grupo man na nagsugod sa Office of the Ombudsman an hinaing an soboot maluyang aksiyon kan opisina.
Hurot kaya ni Mong Palatino, Secretary General kan Bagong Alyangsang Makabayan na garo nagigin ‘selective justice’ sana an nangyayari.
Hagad kaini na dapat igwang manimbag orog na sa parte kan Cebu na marurumdumang lubhang nadanyaran kan matinding pagbaha kasuarin sana kan hagupiton kan Bagyong Tino.
Siring man an pananaw ni Albert Pascual, Secretary General kan Health Alliance for Democracy, naninindugan na dapat mayong pigpipili sa kun sisay sana an papanimbagon.
Dapat soboot kaibahan man pati mga haralangkaw na opisyal kan gobyerno sa Malacanang o mismong ki Presidente Ferdinand ‘Bongbong’ Marcos Jr.
