Nagsunad nin petisyon sa Korte Suprema an pirang miyembro kan PDP-Laban tanganing ipauntok an paggamit kan online voting abroad ngunyan na midterm elections.
Pirang aldaw antes an pagpuon kan pagboto kan Overseas Filipino Workers ngunyan na Abril 13.
Basado sa Petition for Prohibition and Mandamus with Injunctive Reliefs, pigmawot ninda na dae ipautob kan Commission on Elections (Comelec) an online voting.
Sigun sa petitioners, mayo pa nin ley para sa implementasyon kan online voting asin maging kan automated vote counting. Pigpunto man kan mga petitioner an soboot pagkahadit kan Overseas Filipino Workers sa sistema kan pagboto online.
Respondent sa petisyon sinda Comelec Chairman George Erwin Garcia asin DFA Secretary Enrique Manalo.
Mantang an petitioners man sinda PDP-Laban Vice Chairman Alfonso Cusi, Atty. Raul Lambino, Atty. Jimmy Bondoc, Atty. Vic Rodriguez, asin Atty. Glenn Chong sa paagi kan legal counsel na si Atty. Israelito Torreon.
