NAGA CITY- Opisyal nang pigpuonan an opening ceremony kan pig-aanteseparan na Palarong Bicol 2025.
Sa nagin patara-tara ni Dr. Gilbert Sadsad, Regional Director kan DepEd Bicol, sinaysay kaini na an aktibidad na ini sarong paagi tanganing liwat na tabangan an mga atleta na magkaigwa nin marhay na pagbabago sa saindang sadiri sa paagikan pagpapahiling kan saindang mga talento asin tibay sa ladangan kan karawat.
Sigun ki Sadsad, taon-taon an mga sports enthusiast an pinagpepreparan an aktibidad na ini nin huli ta an Palarong Bicol sa lakdang tanganing makaabot sa pinakahalangkaw na lebel kan kompetisyon an mga atleta iyo an Palarong Pambansa.
Katakod digde, liwat na pinagirumduman kan opisyal an mga atleta na likayan an makakulog nin iba, manlamang o mandaya nin huli ta bako ini an obheto kan Palarong Bicol.
Paliwanag ni Sadsad an torneo na ini an naghuhubog sa mga kaakian o mga atleta na magin marhay na bersyon kan saindang mga sadiri, magkaigwa nin marhay na relasyon sa kapwa ninda atleta asin makanood na akuon nin bukal sa daghan an resulta kan kompetisyon.
Apwera digde, pigtatabangan pa kan torneo na mabisto kan mga atleta an saindang sadiri, magtalubo asin magin mas pusog pang atleta na igwa kan pig-aapod na ethical siringman sensitive individuals.
Sa ngunyan, pinasalamatan na sana kaini an gabos na mga nagtarabangan tanganing mapuonan nin marhay an nasambitan ng kompetisyon.
