NAGA CITY- Pig-enkaminar kan sarong konsehal sa siyudad nin Naga an active transport system na makisumaro sa mga ikukundusir na aktibidad katakod kan Bike Month Celebration.
Sa nagin paghampang sa mga kagawad kan media ni Naga City Councilor Omar Buenafe, sinaysay kaini na obheto kan seleberasyon na ibusol an sarong eco-friendly na kinaban asin mabawasan an carbon footprint.
Katakod kaini, an City Health Office sa guidance kan DOH asin pakikipagtabangan sa bike board igwa naman na mga aktibidad an planong ikundusir.
Obheto soboot kaini na maipasabot sa publiko an karahayan sa pagmantinir kan marhay na duros asin healthy na lawas sa paagi kan pagba-bike.
Dugang pa ni Buenafe, igwa naman pigtutulod na ordinansa komo suporta sa bike board ini an pagkriar kan bike responce unit.
An nasambitan ng ordinansa an makakatabang nin dakula sa mga nagbibisikleta tanganing masierto an saindang kasalbaduhan sa tinampo orog na tuyong peak hour kan traffic na kun saen pano nin lunadan an tinampo sa paagi kan pagtatao nin asistensiya.
Apwera digde, yaon man an suporta kan ibang mga opisina siring kan PSO-Naga na kun saen igwang unit na nagpapakarhay kan mga bisikleta alagad depende man soboot ini sa tinampo.
Sa ngunyan, pigsierto na sana kan opisyal na yaon an saindang bilog na suporta sa lado man kan mga bikers sa siyudad nin Naga.
