NAGA CITY – Pigheras kan organisasyon sa ladangan kan Pelikula sa Partido State University, an mga nagin eksperyensiya sa pag produsir nin Pelikula.
Sa entrevista kan Bombo Radyo Naga ki Kharl Vincent Paboneta,Talingkas Film Society – Director, Head of Editors asin Kimát Production- Director of Kimát Production – Director/Editor/Cinematographer pigsaysay kaini na an Talingkas Film Society sarong organisasyon kan manlaen-laen na estudyante kan Partido State University na kun saen pigbilog para sa igwang talento asin hilig sa pagproduce nin pelikula.
Asin ini man sarong instrumento para sa ibang estudyante na maski iba an kurso may tyansa man giraray na ma-enjoy an ladangan kan paggigibo nin pelikula.
Pigbuyagyag man ni Paboneta na an obheto kan saindang organisasyon iyo an mag promotir kan mga lokal na pelikula kan Partidoanon asin para sa preservation kan kultura sa Partido.
Mientrastanto, pigpunto man ni Chino Angelo Beronio Talingkas Film Society- Assistant Director asin Kimát Production- Director of Photography/Light Director an pinaka purpose kan pagtindog kan organisasyon huli ta nahilingan an mga estudyante kan Communication nin potensyal sa pagigibo nin pelikula partikular na lokal na kultura kan Partido asin ini an nagin paagi tanganing matabangan an mga estudyante na ma develop an skills sa filmmaking.
Pigtawan duon man kan iba pang miyembro kan nasambitan ng Organisasyon siring ki Zaldy Clarete na komo sarong bagong miyembro trayumpo na para sa saiya an makalaog digde asin sa paagi kan organisasyon saiyang naintindihan na an pagheheras kan mga pelikulang ginigibo kan Talingkas bako sana tanganing ipahiling an literal video alagad ini an nagigin instrumento sa pagpapaintindi sa mga paradalan kan napapanahong issue asin kun pano pighahatod kan karakter an mensahe kan pelikula.
Pigheras man ni Mailen Longasa saro pang miyembro kan nasambitan ng organisyon komo sarong pioneer kan grupo parte kan saiyang trayumpo an magin consistent asin malalaoman sa ladangan kan pagpipelikula sa paagi kan saiyang serbisyo komo secretary kan organisasyon.
Dugang pa ni Paboneta na an organisasyon nagbabali sa manlaen-laen na competition siring kan Local, Regional asin National. Kapangganahan kan Organisasyon an pagbali sa competition sa LGU Goa na kun saen ini an nagtao nin motivation ki Paboneta tanganing ipagpadagos an pagpoproduce nin pelikula huli ta magayon man an nagigin resulta kaini sa mga tawong nagdadalan.
Magayon sa pagmati an nagigin resulta kaini huli ta dae soboot lalaoman na tatangkilikon an nabilog na pelikula sa manlaen-laen na kompetistyon asin dakulang trayumpo para sa organisasyon na makareseber nin mga awards.
Sa ngunyan, pig-enkaminar na sana kaini an gabos na makisumaro sa ikukundusir na film showing kan saindong organisasyon sa maabot na Disyembre 8 hasta 12.
