Binawian na nin buhay sa edad na 79-anyos an sikat na aktres na si Diane Keaton na bistado sa saiyang Oscar-winning role sa “Annie Hall” asin iconic na pagganap sa “The Godfather” asin “The Wives Club”.
Pigkumpirmar ini ni Dori Rath, producer na katrabaho ni Keaton.
Mayo man detalye na pigluwas kun ano an rason kan pagkagadan kan aktres apwera sa pahayag kan Los Angeles Fire Department kun saen nag responde sinda soboot sa harong ni Keaton alas 8:00 nin aga kan Sabado asin dinara ini sa ospital.
Bistado si Keaton huli sa tibay sa pagpapangirit asin tibay pag-abot sa pagbabado.
Nagpuon an saiyang pagsikat kan 1970’s kun saen ini an nagganap komo “Kay Adams” sa palabas na “The Godfahter” mantang an saiyang naging kolaborasyon sa Direktor na si Woody Allen an nagin dalan sa pagdagos-dagos kan magayon na karera kaini sa industriya hasta sa masungkit an Academy Award for Best Actress kan 1978.
Mientrastanto, pinangaki man si Keaton sa Los Angeles taong 1946, Nag-adal ini nin pag-arte sa Nieghborhood Playhouse sa New York antes an saiyang enot pagtatanghal sa Broadway.
Apwera sa pag-aarte si Keaton sarong direktor, producer, photographer asin bestselling author.
