Pigsitar ni Senator Loren Legarda an overpriced na subscription sa Starlink kan Department of Information and Communications Technology (DICT) para sa free internet access sa mga hararayong lugar.
Sa budget hearing kan DICT, pigluwas ni Legarda an nareseber na proposal gikan sa ahensya para sa renewal kan Wi-fi subscription sa Starlink na nagpakol sa P150 million.
Kinwestyon kan senadora kun tano an mahal kan pigrerekomendang pondo huli ta dae naman mabakal nin bagong kagamitan kundi ire-renew sana an monthly subscription.
Piglinaw man ni DICT Secretary Henry Aguda na dae otorisado asin dae pinirmahan an nasambitan ng proposal sabay na pigkumpirmar kan sekretaryo na overpriced talaga ini.
Dugang pa ni Aguda na pig-iimbestigaran na an internal audit kan ahensya an nasambitan ng isyu asin presenteng nasa preventive suspension na an nagpadara kan proposal na gikan sa central office.
