NAGA CITY – Nagkakantidad nin haros P1-M an pigtutubudang shabu na nakumpiskar kan mga otoridad sa apat na mga indibidwal sa isinagibong drug buy-bust operation sa Barangay San Nicolas, Iriga City, Camarines Sur.
Binisto an mga suspek na sinda Jayroll Labradores, Alvin Labradores, Dionel Labrador asin Nathaniel Sierra, mga taga-Barangay Rizal, Makati City.
Sa ipinaabot na impormasyon sa Bombo Radyo Naga ni Agent Pongs kan Philippine Drug Enforcement Agency (PDEA) Camarines Sur, naarestar an mga suspek sa pinag-sarong pwersa kan PDEA Camarines Sur, PDEA Camarines Norte, Camarines Sur Police Provincial Office, Iriga City PNP, NBI Regional Office V asin 9th Infantry Division Philippine Army.
Nakua sa posisyon kan mga suspek an sarong nakabugkos na transparent plastic bag na may laog nin pigtutubudang shabu na may gabat na 150 grams, mga drug paraphernalia asin mga personal na gamit.
Sa ngunyan nasa kustodiya na kan mga otoridad an nasambit na mga indibidwal asin nahahampang sa maninigong kaso.
