P10 milyon, nairehistrong danyos sa nangyaring kasulo sa Lucena City

NAGA CITY- Pigkakarkulong maabot sa P10 milyon an nairehistrong danyos sa nangyaring kasulo sa sarong Surplus Shop sa ciudad nin Lucena.

Binisto an maysadiri kan nasambitang negosyo na si Deogracias Rodriguez, 43-anyos.

Sa nakuang impormasyon kan Bombo Radyo Naga, napag-araman na alas-12 nin matanga kan magbungkaras suboot an kalayo sa Surplus Shop ni Rodriguez sa barangay Gulang Gulang.

Tulos man na nagresponde an mga kabuhan kan Bureau of Fire Protection (BFP) asin naideklarar na fire out an insidente nin ala-1:58 nin mag-uumagahon.

Susog sa biktima, pigkakarkulong maabot sa P10 milyon an danyos na pigwalat kan nangyaring kasulo.