P100K na kantidad nin alahas asin pera, nilalay kan mga parahabon sa CamNorte

NAGA CITY- Nilalay kan dae pa nabibistong mga suspek an pigkakarkulong P100,000 na kantidad kan mga gamit asin alahas sa sarong harong sa Daet, Camarines Norte.

Binisto an biktima na si Jerry Lagumen, 37-anyos.

Niraot suboot kan mga suspek an iron grills sa bintana kan harong sa barangay Lag-on asin digdi na nilalay an kwartang nagkakantidad nin P10,000 asin manlaen laeng klase nin alahas na nagkakantidad nin P100,000.

Sa ngonyan, padagos pa nanggad an pigkokondusir na imbestigasyon kan mga kapulisan manungod sa pangyayari.