(UPDATE) NAGA CITY- Matao suboot nin reward an alkalde kan Mulanay, Quezon sa makakapagtukdo sa suspek na yaon sa likod kan nangyaring pambabadil sa security escort kaini kan nakaaging semana.
Sa nagunong impormasyon kan Bombo Radyo Naga, napag-araman na pig-anunsyar ni Mulanay Mayor Joselito Ojeda na nakatalaan siyang magtao nin P100,000 na reward money para sa siisay man na makakapagtukdo sa suspek sa pananambang sa saiyang security escort na si Ruben Pontilar Subia.
Marurumduman na binadil an biktima kan mga riding in tandem suspects na marikas na nagdulag makalihis an krimen.
Sa ngonyan, nagpapadagos pa an mararumang imbestigasyon kan PNP Mulanay sa nasambitang krimen alagad dae man piggigilid kan mga otoridad an anggulo na posibleng personal na anggot an rason sa nangyaring pambabadil.
