NAGA CITY– Prangkang sinaysay ni Ako Bicol Partylist (AKB) Rep. Rodel Batocabe na sarong kasusupgan kan Pilipinas sa ibang nasyun an pag-apruba kan Kamara sa P1,000 na budget para sa Commission on Human Rights (CHR).
Sa ekslusibong entrevista kan Bombo Radyo Naga ki Batocabe, sinaysay kaini na nakakasupog an nasambitan ng lakdang kan Kongreso urog pa suboot na nakakaresibe an nasyun nin mga pagtuyaw gikan sa international community huli sa suboot pagbalgar sa diretsos humanos sa tahaw kan war on drugs kan presenteng administrasyon.
Tinawang duon ni Batocabe na urog pang mapaparaot ngunian an Pilipinas makalihis inaan an budget kan CHR na igwang orihinal na proposed budget na P623.38 million para sa taong 2018.
Suboot, pwede maging ‘unconstitutional’ an desisyon na ini kan Kamara huli ta sarong constitutional office an CHR.
Meintrastanto, pinahimutukan man kan kongresista an urulay- ulay sa social media na nagboto pabor sa nasambitan ng propwestong pondo para sa ahensya an Ako Bikol Partylist.
