Naghirit an Metro Manila Development Authority (MMDA) nin P2.59 bilyon para sa flood control program kan Metro Manila para sa fiscal year 2026.
Gagamiton an pondo para pagpepreparar kan mga drainage asin pag-maintain kan mga waterways sa metro.
Sigun sa budget sponsor kan MMDA na si Rep. Monique Lagdameo, an hagad kan MMDA na an nasambitan ng budget an 33% na mas hababa kumparar sa budget kan 2025, asin haros kabanga ini kan kabilogang budget kan MMDA na nasa P5.88 bilyon para sa 2026.
Paliwanag kan MMDA, kaipuhan na padakulaon an mga drainage pipes huli sa pagdakol kan bulos kan uran, asin lilinigon an mga waterways tanganing malikayan an pagbaha.
Nag-alma man si Kabataan Partylist Rep. Renee Co na sa nasambitan ng kahagadan kan MMDA asin nangangapodan sa publiko na magin mapanuri sa mga flood control projects asin nahahampang sa kontrobersiya ngunyan an Department of Public Works and Highways (DPWH) partikularmente sa mga flood control projects.
Pigtawan-duon ni Rep. Co na dapat pag-adalan pa an an mga natatadang flood control projects huli ta posibleng may korapsiyon pa man giraray.
Naghagad ini nin listahan kan mga primerong kontratista sa flood control projects kan MMDA, asin nagpromesang ipapasa kan MMDA ini sa saiya sa masunod na semana.
