NAGA CITY– Maabot sa P2.5-M kantidad kan pigtutubudang shabu an nakumpiska kan Philippine Drug Enforcement Agency (PDEA) sa duwang Nigerian National na soboot mga miembro kan African Drug Syndicate (ADS) sa Talaba 4, Bacoor City, Cavite.
Binisto an mga suspek na sinda Agu Austin Chukwuebuka asin Nkwocha Chimaobi, mga Nigerian National.
Sa entrevista kan Bombo Radyo Naga ki PDEA-Bicol Regional Director Christian Frivaldo, sinaysay kaini na haloy nang pinagprepararan kan saindang kabuhan an nasambitan ng operasyon para masierto na mahuhulog sa saindang mga kamot an nasambitan ng mga dayuhan.
Dae na soboot nakapalag an duwa sa pinag-sarong pwersa kan PDEA-CamSur, Bicol asin Calabarzon mantang maabot man sa kinakarkulong nasa 500grams nin shabu an nakumpiskar sa mga ini.
Dugang pa ni Frivaldo, an nasambitan ng mga suspek an nagkapira sana sa mga dayuhang sindikato na nagsusuplay nin iligal na droga sa Kabikolan.
Sa ngunian, nagtitinir na sa kustodiya kan PDEA 4A an nasambitan ng mga suspek mantang pigpepreparar na an kasong isusunad kontra sa mga ini.
