Nagpahayag nin kamunduan si Vice President Sara Duterte sa padagos na pagkakawat soboot kan gobyerno sa publiko makalihis na ipauntok an rollout kan P20 kada kilo kan bagas sa Cebu.
Paramientras sinuspinder muna kaya kan Department of Agriculture (DA) an pagpapabakal nin bagas na ₱20 kada kilo sa Cebu, sarong aldaw sana makalihis ining ilunsar kan nakalihis man na Labor Day.
Nagsunod an DA sa kasuguan kan Commission on Elections (Comelec) na ipauntok an pagheheras nin tabang gikan sa gobyerno sa panahon nin eleksyon.
An inisyatibang ini, parte kan promisang kampanya ni Presidente Ferdinand Marcos Jr., na gibuhong barato o abot-kaya an presyo kan bagas, an inilunsar kan Mayo 1 sa Cebu Provincial Capitol.
Pigtugutan an mga benepisyaryo—kabali na an mga senior citizen, solo parent, asin persons with disabilities—na magbakal nin hasta sa 10 kilo nin bagas.
Poco mas o menos 500 sako an naiheras sa primerong aldaw. Siringpaman, nagluwas na kaidto nin abiso an Comelec na ipinagbabawal an pagheheras nin ayuda magpuon Mayo 2 hasta Mayo 12 tangani malikyan an pamumulitika gamit an mga programa kan gobyerno.
Bako sana sarong beses, bako sanang duwa, kundi pauru-utro na pigsasamantala an soboot desperation, kagutuman asin katiosan.
Mientrastanto, nagpasalamat si Garcia sa Department of Agriculture sa pagtutugot kaini na paramientras ipauntok an ₱20 kada kilong bagas tangani magsunod sa assistance ban kan Comelec.
Susog ki Garcia, nagkakanigo na magpasalamat sa DA na makatapos nin suhestyon na May 2 hasta May 12 ay mayong ipapautob na pagpapabakal nin ₱20 na bagas.
Marahay na programa alagad makakapaghalat man ini sa kun nuarin mapadagos. programang yan.
Ipinahayag kan DA an saindang dedikasyon na ipagpadagos an programa pagkatapos kan halalan, na obhetong makapagtao nin abot-kayang bagas sa pinagkakarkulong 800,000 kaharungan sa rehiyon kan Visayas.
