Kabali sa nahilingan nin paglago iyo an sektor nin agrikultura, forestry, fishing, industry, asin services.
Sigun ki Presidente Ferdinand Maros Jr, kumpiyansa an gobyerno na makukua an 6 percent GDP growth target sa mga masunod na quarters.
Sigun ki Marcos, an projection na ini an kasunod kan pagpapautob nin food security initiatives kan gobyerno na ngunyan, fully operational na asin obhtong mapamarhay an agricultural productivity sa nasyon asin masiguro an pagkakaigwa nin stable na food supply para sa mga kahimanwa.
Nagpromisa an Presidente na palalawigon pa an “Benteng Bigas Meron Na” initiative tangani makapagtao nin de kalidad alagad abot-kayang bagas sa paagi kan Kadiwa ng Pangulo outlets.
Sa ngunyan, nababakal an P20 per kilo na kantidad kan bagas sa mga Kadiwa ng Pangulo shops para sa mga napapabali sa vulnerable group, kabali na an mga indigent, senior citizens, solo parents, persons with disabilities, asin minimum wage earners.
