Pupuonan naman na ipabakal an P20 kada kilong bagas sa Mindanao sa Hulyo 2025. Sigun ki Department of Agriculture Sec. Francisco Tiu Laurel Jr., target kan ahensiya sa phase 2 kan programa an mga lugar na may halangkaw na poverty incidence sa Mindanao region.
Primerong ilulunsar soboot an programa sa Zamboanga del Norte na may saro sa pinakahalangkaw na poverty incidence na nasa 37.7%. Sunod sa Basilan, Cotabato City, Tawi-Tawi, Maguindanao del Sur, Maguindanao del Norte, Davao Oriental asin man Sorsogon.
Sigun sa DA chief, an ikatulong parte man kan programa an ilulunsar sa Setyembre sa mga probinsiya kan Sultan Kudarat, Lanao del Norte, Catanduanes, Agusan del Sur, Sarangani asin Dinagat Island.
Marurumduman, inisyal na inilunsar kan ahensiya an pagpapabakal nin baratong bagas sa Visayas region asin man sa nagkapirang Kadiwa stores sa Metro Manila asin man mga karatig na probinsiya.
