Pigpupuonan na kan Department of Agriculture (DA) an pagpapabakal kan P20 sa kada kilo nin bagas para sa piling minimum wage earners.
Ini an kasunod kan pagtatao ni Presidente Ferdinand Marcos Jr. nin go signal tanganing ilunsar an programa sa masunod na bulan.
Sigun ki DA Secretary Francisco Tiu Laurel, 120,000 na minimum wage earner an makikinabang sa programa basado sa listahan kan Department of Labor and Employment (DOLE).
Nilinaw man kan DA na preparasyon sana ini para sa kadakol na mga obrero tanganing makabakal kan P20 na bagas hasta sa mga masunod na taon.
Sa ngunyan kaya, sulamenteng mga Senior Citizen, person with disability (PWD), Solo parent, asin 4Ps member pa sana an nakaka-avail kan P20 na bagas.
Mientrastanto, padagos man na pigpaplansta kan ahensya an guidelines kan nasambitan ng programa.
