NAGA CITY- Nagtutubod an sarong nutritionist na an P21 na meal an posible depende na sana sa diskarte.
Sa entrevista kan Bombo Radyo Naga Joy Raizza Ramos- Municipal Nutritionist Action Officer Goa, Camarines Sur, sinaysay kaini na an P21 na meal an possible alagad ini an naka depende sa lokasyon asin diskarte huli naman sa presenteng sitwasyon na dara kan inflation.
Pigheras man kaini na an mga pagkakan na may kamahalan an pwede ng hanapan nin alternatibo alagad saro ini sa maikokonsiderar na challenging sa lambang indibidwal. Kun saen, pwede soboot na kaysa karne na may kamahalan an presyo an ribayan ini nin sira o gulay na swak sa budget.
Alagad pinagtawan-duon kaini posible sana an P21 pesos sa sarong indibidwal alagad kakarampot sana man an makakan.
Sa ngunyan pagirumdom na sana kaini na sa panahon ngunyan kinakaipuhan na mas kakanon an mga masustansyang pagkakan orog na an mga gulay asin prutas.
