Kumpiyansa an Armed Forces of the Philippines na an alokasyon na P3.2 billion para sa pagpapahewas kan Pag-asa airport asin shelter port sa West Philippine Sea an sarong marahay na lakdang tanganinf orog na mapakusog pa an external defense.
Segun ki AFP spokesperson Col. Francel Margareth Padilla na an nasambitan ng mga imprastruktura an magpapakusog sa logistical support asin preparasyon sa operasyon kan pwersa kan Nasyon.
Ini man soboot tanganing padagos na mamantenir an national interest.
Pig paliwanag pa man kan opisyal na an nasambitan ng inisyatiba an malinaw na nagpapahiling kan dae matatawaran na commitment na protehiran an soberanya kan nasyon sa paagi kan pagpromotir kan regional stability.
Segun man ki Philippine Navy spokesperson for the West Philippine Sea Rear Adm. Roy Vincent Trinidad na an nasambitan ng mga proyekto an magpapakusog sa military capability sa West Philippine Sea na nakalinyada sa Comprehensive Archipelagic Defense Concept.
Sa irarom kan 2025 budget, nasa kabilugan na P300 million an naka alokar sa irarom kan Department of Transportation para sa konstruksyon kan bagong shelter port sa Pag-asa.
