Nahahadit si Bureau of Internal Revenue (BIR) Commissioner Romeo D. Lumagui, Jr. na pwedeng mabugtak sa peligro an ₱3.2-trillion revenue goal kan gobyerno para sa taon kun ipinatupad an propwestong total ban sa online gambling.
Sinaysay ni Lumagui na mapipiritan an BIR na i-adjust an fiscal outlook kaini kun ipatupad an ban sa internet gaming asin iba pang online gambling platforms. Pigtawan duon kan BIR chief na dakula an naiaambag kan gaming sector sa national treasury.
An BIR an presenteng nasa tamang direksiyon, makalihis makakolekta nin ₱1.5 trillion sa first half kan taong 2025, na mas halangkaw nin 0.5 percent sa midyear goal kan ahensiya.
Siringman, nilinaw kan Commissioner na an paghali sa dakulangg pinagkukuanan nin revenue sa katahawan kan taon an pwedeng magkriar nin dakulang kakulangan sa koleksiyon, orog na ta padagos na naglalaom an gobyerno sa nakokolektang buwis tangani pondohan an mga importanteng serbisyo publiko.
An pahayag ni Lumagui an sa tahaw kan liwat na pangapudan kan mga lehislador asin civil society groups para sa total ban sa e-gambling huli sa soboot koneksyon kaini sa kriminalidad, addiction, asin social disruption.
May nagkapirang naglalabang propwesto an presenteng pinag uulayan sa Kongreso — an pira an nagsusuhestyon nin mas mahigot na regulasyon asin 10% na buwis sa sugal tangani pondohan an mental health asin rehabilitation services, mantang an iba man an nagbubusol nin dagusang pagbabawal sa gabos nin domestic asin offshore online gambling operations.
Sa ngunyan, nagtitinir na mayong siguradong pahayag an administrasyong Marcos sa isyu, kun saen sinasabi kan mga opisyal na an bagay an presenteng nagsasairarom sa masusing pagsusuri asin man an desisyon an gigibuhon basado sa maingat na pagtataya kan mga epekto sa ekonomiya asin lipunan.
An mga industry stakeholder an nagpahayag nin pagkabahadit sa posibleng pagkawara kan rinibong trabaho asin kan paglipat kan mga naggagamit sa unregulated o illegal platforms kum ipinatupad an ban nin mayong bastante na transition measures.
Pig inkaminar ni Lumagui an mga policymaker na isaalang-alang an revenue implications asin man an pangangaipuhang balansehon an mga alalahaning moral sa economic realities, orig na sa sarong post-pandemic economy na bumabangon pa gikan sa fiscal na pagsasakit.
Mantang nagpapadagos an mga deliberasyon, liwat man na pinatibay kan BIR an saindang promisa sa pagsunod sa buwis asin revenue efficiency, alagad pigtawan duon na an katatagan sa mga pangenot na sektor na nag-aambag sa buwis an magigin kritikal tangani makua an taunang target kan nasambitan ng ahensiya.
