Pig-aprubaran kan Dept of Budget and Management (DBM) an pagpapaluwas nin labi sa P30 bilyong piso para sa pension kan mga retiradong military asin uniformed personnel kan gobyerno para sa enot na quarter kan 2025.
Segun ki Budget Secretary Amenah Pangandaman na dakulang tabang ini para sa dakulon na military asin uniformed personnel retirees asin sa saindang pamilya na nag-aasa sa pension para sa saindang pang uru-aldaw na pangangaipuhan kabali soboot digde an pangbakal kan bulong asin pagkakan.
An P30.409 bilyong pisong pondo an huhuguton sa pension and gratuity fund sa iraraom kan Republic Act Number 12116 o an fiscal year 2025 General Appropriations Act o GAA.
Dugang pa ni Pangandaman kabilogang P16.752 bilyong piso an naipaluwas na sa Armed Forces of the Philippines General Headquarters asin sa Philippine Veterans Affairs office sa irarom kan Dept of National Defense (DND).
Naipaluwas na man soboot an kabilogang P13.297 bilyong piso sa mga attached agency kan DILG siring kan PNP, Bureau of Fire Protection, Bureau of Jail Management and Penology at National Police Commission.
Para man sa 34 na pensioners kan National Mapping and Resource Information Authority o NAMRIA kan DENR, nagpaluwas an DBM nin kabilogang P8.530 milyong piso. Mantang, para man sa 2,836 na retiradong uniformed personnel kan DOTR an Phil Coast Guard, nagpaluwas an DBM nin P350.680 milyong piso
