NAGA CITY – Nag-abot sa haros P4.3M an kantidad kan pigtutubudang shabu na nakumpiskar kan mga otoridad sa duwa katao sa Barangay Balatas, Naga City kasubanggi.
Sa nakuang impormasyon kan Bombo Radyo Naga gikan sa Naga City Police Office (NCPO), napag-araman na pasado alas 7:30 kasubanggi kan ikundusir an joint operation kan Philippine Drug Enforcement Agency (PDEA), National Bureau of Investigation (NBI), Philippine Army asin Philippine National Police (PNP) sa nasambitan ng lugar kunsaen nadakop an mga suspek na sinda Yuner Inda asin Jamaica Dela Cruz.
Nakumpiskar sa mga suspek an nasa 700 grams kan pigtutubudang shabu asin mga drug paraphernalia na nagkakantidad nin P4.3M.
Sa ngunian, nagpapadagos pa an imbestigasyon mantang nasa kustodiya na kan mga otoridad an mga suspek para sa maninigong disposisyon.
