Nagbwelta si Ako Bicol Partylist Rep. Alfredo Garbin ki Navotas Rep. Toby Tiangco kun saen ibinunyag kaini na igwang P529 million budget insertions man ini kan 2025.
Ginibo ni Garbin an rebelasyon makalihis kainingg pauru-utro na inakusaran si dating appropriations panel chair Zaldy Co na nagsingit nin pondo sa 2025 national budget.
Sinabi ni Garbin sa P529 million budget insertion ni Tiangco nasa 65% – 70% digde, napasiring sa flood control projects sa Navotas.
Inihayag ni Garbin, mayong basehan, misleading an alegasyon ni Tiangco kontra ki Rep. Co.
Napag-araman na igwang mga proyekto si Tiangco na nakabugkos sa mga contractors na pig-iimbestigaran ngunyan huli sa pagkaka-imbwelto sa mga maanomalyang flood control projects.
Tinukoy ni Garbin an St. Timothy Construction asin SYMS Trading Construction na igwang kapot sa nagkapirang proyekto ni Tiangco.
Sigun ki Garbin, antes pa man magtaram si Tiangco, dapit sa transparency and accountability dapat hilingon kaini an saiyang sadiri.
Pinagiromdoman ni Garbin an publiko na an reklamo ni Tiangco sa House Infra Comm, na na-dismiss na huli ta an mga kinuwestiyong proyekto an bakong parte sa pig-iimbestigaran ngunyan na igwang koneksiyon sa ghost projects.
Ibinunyag man ni Garbin na basado sa record kan GAA asin bicameral conference kaibahan soboot si Tiangco na nagboto kaya dae kaini masabutan kun tano kinuwestiyon ini ngunyan kan kongresista.
