Pinirmahan na ni Presidente Ferdinand “Bongbong” Marcos Jr. an General Appropriations Act (GAA) para sa taong 2026 na igwang kabilogang kantidad na P6.793 trilyon, an pinakadakulang pambansang budget sa historya kan Pilipinas.
Ginibo an seremonya kan pagpirma sa Malacañang ngunyan na aldaw. Enero 5, 2026 makalihis na mapauktaba nin bahagya huli sa masusing pagsusuri kan ehekutibo.
Sigun sa Presidente, nakalinyada an budget sa medium- asin long-term development plans kan administrasyon asin nakatuon sa pamumuhunan sa mamamayang Pilipino.
Dakulang parte kan pondo an itatagama sa edukasyon, salud, seguridad sa pagkakan, social protection, asin pagkriar nin trabaho.
Binanggit kan Palasyo na an budget an masirbing pundasyon nin mas inklusibong pag-uswag asin magpapatatag sa ekonomiya sa hampang kan mga pangkinabang huma.
Pinagiromdoman man ni Marcos Jr. na an pagpasar kan badyet an puon pa sana kan mas dipisil na tungkulin, an tamang pagpapautob asin pagsisierto kan paninimbagan.
Sa enot na mga aldaw kan taon, paramientras na naggamit nin reenacted budget an gobyerno mantang pighahalat an pirma kan Presidente.
Sa kabilogan, piglalaoman na madara an P6.793 trilyong budget nin mas matibay na suporta sa mga primerong sektor asin mas mahewas na oportunidad para sa mga Pilipino.
