P60K na kantidad nin gamit, nalalay kan parahabon sa Quezon; suspek, nakuanan sa CCTV Footage

NAGA CITY- Nalalay kan dae pa nabibistong suspetsado an labi sa P60,000 na kantidad nin mga gamit sa duwang persona sa Lucban, Quezon.

Binisto an mga biktima na sinda Richa May De Veza, 21-anyos asin an 17-anyos na estudyante.

Nakalaog suboot an mga suspek sa pintuan sa harong kan mga biktima sa barangay 6 asin digai na kinua an manlaen laeng klase nin mga gamit asin importanteng mga dokomento.

Nag-abot sa P61,400 an kabilugang kantidad kan mga gamit na nalalay kan suspetsado.

Basado man sa narekober na CCTV Footage, sarong dae pa nabibistong lalaking susek an naglaog sa harong kan mga biktima.

Nagpapadagos pa ngonyan an pigkokondusir na imbestigasyon kan mga kapulisan tanganing madakop an nagdulag na suspetsado.