Pigsasapinal na ni Filipino boxing champion Manny Pacquiao an laban kaini ki WBA welterweight champion Rolly Romero.
Sigun ki Pacquiao na pwedeng maganap an laban kan duwa sa bulan nin Enero.
Dugang pa kaini na igwang mga kadikit na pigpapakarhay dapit sa nasambitan ng laban.
Igwang record an 46-anyos na si Pacquiao na 62 na kapangganahan, walong daog asin tolong draw.
Kan nakalihis na bulan nin Hunyo naglaban si Pacquiao kontra ki Mario Barrios na nagresulta sa majority draw.
Mantang si Romero, igwang 17 kapangganahan, duwang daog asin 13 knockouts na 17 taon na mas joven ki Pacquiao.
Nakua ni Romero an bakanteng WBA title makalihis na daugon ni Ryan Garcia sa paagi kan unanimous decision kan nakalihis na Mayo sa laban na ginanap sa New York City.
