Nagpatanid an sarong mambabatas na magkakaigwa nin epekto sa pagkakan an padagos na paglangkaw kan presyo kan liquefied petroleum gas (LPG) asin kerosene.
Segun ki Senior Citizens party-list Rep. Rodolfo Ordanes na pwedeng magbaba o magsadit an servings na pigsisirbe sa kada carinderia.
Dugang pa kaini na an paglangkaw kan presyo kan langis bako sanang makakaapektar sa sektor kan transportasyon kundi makakatama pa sa food industry.
An mga restawran, panaderya, asin nagkapirang kakanan tibaad mapiritan man na gumamit nin uling sa pagluto.
Advertisement
Maru8romdoman na kan enot na aldaw kan Abril, pig-implementar an enot na paglangkaw kan presyo na P5 kada kilo kan LPG, na susundan pa nin P5 na paglangkaw kan presyo sa masunod na semana.
Advertisement
