Nagpahiling si Senador Robin Padilla sa enot na kan preliminary investigation manungod sa reklamo nin obstruction of justice na isinangat laban saiya asin sa nagkapirang co-respondents, konektado sa alegasyon na pagtabang sa pagtakas ni Senador Bato dela Rosa.
Makalihis an pagdangog, halipot sana an naging pahayag ni Padilla kan haputon manungod sa proceedings, asin sinabi niyang haharapon niya an mga reklamong isinangat laban saiya.
Segun sa abogado na si Jimmy Bondoc, dai pa naihahain ninda Padilla asin kan saiyang mga co-respondents an saindang mga counter-affidavits huli ta igwa pang dugang na dokumento na kaipuhan isumite kan complainant.
Nagpoon an reklamo sa mga alegasyon na tinabangan daa ni Padilla asin kan nagkapira pa si Dela Rosa na makadulag matapos siyang humali sa Senate compound kan Mayo 14, pirang oras matapos an putukan sa laog kan edipisyo.
Nahahampang sa arrest warrant hale sa International Criminal Court si Dela Rosa, na nagdadanay na at large, sa kasong crimes against humanity na isinangat laban saiya konektado sa madugong war on drugs kan administrasyon ni dating Presidente Rodrigo Duterte.
