NAGA CITY- Dead on the spot an sarong padre de pamilya makalihis pagbabadilon kan armadong suspek sa Brgy. Baya, Ragay, Camarines Sur.
Binisto an biktima na si Segundo Gayacao, 50 anyos.
Sa nagunong impormasyon kan Bombo Radyo Naga napag araman na nasa laog suboot kan saindang harong si Gayacao kaibahan an live in partner kaini na si Eleveaie Mora kan bigla na sanang laugon kan tolong armadong kalalakihan asin tulos na pinagbabadil kan saro sa mga ini an biktima.
Huli sa sinapong lugad sa manlaenlaeng parte kan saiyang lawas, tulos na binawian nin buhay an biktima.
Meintrastanto, makalihis an pangyayari, tulos man suboot na nagdulag an mga suspek dara an badil na ginamit kan mga ini sa krimen.
Sa ngunian, nagpapadagos pa man an ginigibong imbestigasyon kan mga otoridad manungod sa nasambitan ng pangyayari para sa posibleng pagkakaaresto kan mga nagdulag na suspetsado.
