NAGA CITY– Problema sa pamilya an pighihiling na rason kan paghugot kan sarong padre de pamilya sa Sitio Riverside Barangay Bukal Sur, Candelaria Quezon.
Binisto an biktima na si Jonathan Arellano, 37-anyos.
Sa nagunong impormasyon kan Bombo Radyo Naga, napag araman na nahiling na sana an lawas ni Arellano na nakabitay sa puon nin langka asin mayo ng buhay.
Sa inisyal na imbestigasyon kan mga otoridad, napag araman na haloy na panahon na suboot puon kan mag-puli sa Bicol an live in partner ni Arellano alagad dai pa ini nagbubwelta.
Katakod kaini, naisipan na sana kan biktima na tapuson an saiyang sadiring buhay.
